泰國曼谷之旅 day 1 & day 2 part I (2011)

泰國曼谷之旅 day 1 & day 2 part I

文章日期：02/17/2012 08:57 pm

其實都真係好想寫下自己既旅行遊記, 睇人地果d就睇得多, 都想分享下自己去左邊, 嘻嘻
Year: 2011

Day 1

今次坐Emirates Airway, 架機好大呀, 係A380黎ga, 坐位舒適寬敞. 另外值得一讚係佢個晚餐,十分好味, 我叫左Sea Bass with potato, 個魚一d都唔腥, d薯仔用左cream黎煮,超正, 誇張d講有酒店水準tim呀, 好好好好好味既aeroplane餐啊! The best aeroplane meal I ever had. 我地搭夜機呀今次, 去到Bangkok都12點幾lu~ 不過食左飽飽既aeroplane餐,去到酒店check-in 之後就即刻上room瞓覺charge電喇!

好好味既aeroplane餐 :-)

Day 2

第2朝起身食早餐先, 酒店既早餐好多選擇, 樣樣都好好味 (對不起,我對於好味既食物都only識講好好味, 小女詞窮….)

我最最最最喜愛既Waffle, 佢個Maple Syrup香到不得了, 個Waffle整得又鬆脆, 加埋牛油, wow~ (說好的減肥呢? 通通拋豬腦後lu)

Centara Grand at Central World Bangkok

好, 食完野出發去 “大皇宮” (The Grand Palace) 喇, 我地係自由行, 所以去邊都係靠本天書喇. 首先搭BTS, 啊, 我地住間酒店叫 Centara Grand & Bangkok Convention Centre @ Central World 位置於 BTS Siam 同Chit Lom站之間, 所以十分方便. 我地應該係搭去Saphan Taksin呢個站, 再行去碼頭坐船過河去大皇宮既…..但係….我地竟然無意識要落車???…事源….本天書幅BTS圖呢, Saphan Taksin 係最尾一個站. 咁於是我地就大安指意咁搭呀搭呀~ 又喺車廂影下相, 又望下車外落晒雨咁, 諗下陣間點行? 去到某一個站, 好多人落車wor, 我仲同羊羊講, “啊, 呢個站咁多人落車應該都多野睇wor, 不如睇下書有咩介紹啦….” 一睇….點解咁似我地要落車個站既?shit…唔係最後一個站咩? (之後諗返, guidebook梗係介紹d遊客會去既地方啦, 唔通介紹住宅區咩, 妖~) 所以我地就要搭返對頭車去返Saphan Taksin喇~

去到碼頭, 仲落雨,不過已經無咁大雨啦 (自我安慰搭多左2個站,d雨又細左, 哈哈哈…)

其實都唔知搭邊架船, 好多選擇. 基於我地係遊客mar, 搭觀光船無錯喇掛 (實情我地對上一次黎Bangkok又係搭船想去唐人街既, 見到有船就上, 點知, 無停到要落果個站, 仲要去到無雷公咁遠, 問d人又無人答我地, 去左個住宅區, 上左兩, 三架的室士又拒載 + 佢地有d司機唔識英文, 溝通唔到,我地其實勁驚ga, 完全唔知自己係邊, 個地方又好雜, 好彩最後有架的士個司機識少少英文 + 少少國語肯車我地去返唐人街jar, 真係諗起仲心有餘悸..

搭船去到大皇宮碼頭附近喇, 仲停埋雨tim, 開心開心, 我地去到完全唔知點行,就問人啦, 好彩有問, 因為我地反方向行左一段路, 哈哈哈. 行呀行呀…點解仲未到ga? 完來係好q遠ga, 唔怪得我落船睇左一陣postcard就唔見晒d人啦, 原來佢地都搭tuk tuk / taxi, 行左 25分鐘, 終於到喇, 仲有藍天白雲. Hohohohoho…

呢度真係好靚呀~ 順帶一提, 女既唔可以背心短褲, 要中袖衫, 長裙/褲; 男既都要著長褲. 果度有得借d類似Salon既布俾你著既, 但係勁多人等, 同埋勁多人著過 (人地著完還返就到你著架喇), 有人地d汗ga wor. 係, 我有潔癖, 所以我同羊羊又c c 地咁行返出去大街買條私伙野( 條路由大皇宮入口到大街都行成10分鐘, 仲要雨後陽光晒到pk),

大皇真係一個值得去既景點黎ga

去相!